BORATOVA NIGORAXON AXMADJANOVNA

2016 yilda “Do‘stlik” ordeni bilan mukofotlangan

Mehnat staji 37 yil. Mazkur vazifada 1998 yildan ishlamoqda.

N. A. Boratova iste’dodli murabbiy va tajribali rahbar sifatida mamlakatimizda musiqa va san’at ta’limini rivojlantirish, yosh avlodning iqtidorini ro‘yobga chiqarish va tarbiyalash borasida ibratli ishlarni amalga oshirib kelmoqda.

2004-yilda “O‘zbekiston Respublikasi Xalq ta’limi a’lochisi” ko‘krak nishoni bilan taqdirlangan.

Uning rahbarligida maktabda 413 nafar o‘quvchiga 58 nafar o‘qituvchi 12 ta yo‘nalish bo‘yicha musiqa va san’at sirlarini o‘rgatmoqdalar.

2015-yilda N.Boratova O‘zbekiston Respublikasining “Ta’lim to‘g‘risida”gi va “Kadrlar tayyorlash Milliy dasturi to‘g‘risida”gi Qonunlarini hamda O‘zbekiston Respublikasi Prezidentining 2008 yil 8 iyuldagi 910-sonli “Bolalar musiqa va san’at maktablarining moddiy-texnik bazasini mustahkamlash va ularning faoliyatini yanada yaxshilash bo‘yicha 2009-2014 yillarga mo‘ljallangan Davlat dasturi” ijrosini amalga oshirishda erishayotgan yutuqlari, xalq ta’limi tizimidagi ko‘p yillik samarali mehnati, yoshlarni milliy istiqlol g‘oyasi, milliy qadriyatlar va estetik ruhida tarbiyalashda erishgan yutuqlari uchun O‘zbekiston Respublikasi Xalq ta’limi vazirligi tomonidan Faxriy yorliq bilan taqdirlangan.